Todalen og Åsskard: Juletonar for alle

Med eigne solistar, fløyte, obo, 2 fioliner og piano hentar koret fram velkjent og ny, klassisk og kortreist musikk for den komande høgtida.
- Og vi veit at publikum likar å stemme i, seier korleiar Bernt Bøe. - Så her kling «Nordnorsk julesalme», «Deilig er jorden» og andre perler fulltonande med forsamling, kor og instrument!
Attåt kjende låter i folks felles skattkiste - frå «Her kommer dine arme små» til «En stjerne skinner» - står klassiske godbitar som «Stille natt» (orgininalen frå julaftan 1818), «O helga natt» og «Hallelujakoret» på programmet.
Inga høgtid har utløyst ein slik tonestraum som nettopp jula. P17 ønskjer å formidle klang av ekte jul.
Konserten går i Todalen kyrkje om ettermiddagen og i Åsskard på kveldstid.
Arrangørar er koret og sokneråda - med støtte frå lokale bedrifter.



Kommentarer