Vakker gudsteneste

Allehelgensgudstenesta har eit vemodig og samtid vakkert preg. I Åsskard søndag ettermiddag var minnestund med lystenning lagt inn i den vanlege liturgien.

Vakker A[1]
Prost Rygh las namna på dei avdøde. Vår og Mathilde tente lys for kvar av dei. Foto Bernt Bøe
Vakker B
Dei åtte lysa markerer minne og ettertanke. Foto Bernt Bøe
Vakker C
Fint samver i Kyrkjestua etter gudstenesta. Foto Bernt Bøe


Vidar Rygh forretta, klokkar Randi Bøe og diakon Gro Hauge Venås las tekster og leia bøner. To av vinterens konfirmantar, Mathilde og Vår, deltok i evangelieprosesjonen og tente lys for dei åtte som har gått bort det siste året. 

Dei er: May Britt Hoås, Leiv Magne Bævre, Ellen Iren Snekvik, Jarle Gravvold, Geir Eggen, Greta Gjengstø, Olav Gjengstø og Steinar Skrøvset.

Salmar, musikk, bibelord og preike understreka denne søndagens særpreg. Samveret i Kyrkjestua etter gudstenesta gav høve til gode samtalar.

Ute på kyrkjegardane vart det også tent lys ved mange av gravminna.

 

... Bernt Bøe ...

Les også:

06.11.25 av Redaktør

VI SPONSER BØFJORDNETT