Vårdugnad på Åsskard

– Startskotet går klokka 14, seier soknerådsleiar Eva Jorid Svendsen. – Men viss nokon ønskjer å starte tidlegare eller seinare, er det sjølsagt greitt. 

Viktigast for soknerådet er det at mange hjelpest åt. For gravsteda og området attmed kyrkja skal vera ryddig og pent til konfirmasjonen Kristi Himmelfartsdag, nasjonaldagen 17. mai og andre komande samlingar.

- Ta med rive og annan høveleg reiskap! Di fleire vi er, di lettare og fortare går arbeidet, seier dei ansvarlege.

Det kan også vera behov for å rette på skeive støtter og flikke litt på utgardsmålinga her og der. Utstyr til dette sørgjer sokneråd og kyrkjetenarar for.

Kaffe og litt å bite i blir servert i Kyrkjestua medan dugnaden pågår – altså i nonsøkta denne måndagen på Åsskard.

…. For Åsskad sokneråd: Bernt Bøe ...