Snart klart for påskerevy igjen!
Bøfjorden teaterlag er i full sving med øvingar på Bøfjorden grendahus - dermed er lattermusklane sikra den tradisjonelle trimmen før påska sett inn i år også!
"BøfjordNett" stakk innom grendahuset i dag for å sjekke status på revyen. På scena var det allereie finpussing av sketsjar med Johnse som instruktør og karane "oppe på veggen", Håkon Skrøvset og Isak Johnsen, finjusterte lyd og lys.
Årets revy har fått navnet "Vadesålekt", eit gammelt uttrykk som var mykje bruka i "gammeltin" og som mange sikkert dreg kjensle på.
Johnse fortel at vi kan vente oss tema som kommunereform, privatisering av vegar, livets små og store utfordringar, riving av skulen og i tillegg vil revygjengen sette søkelyset på det å legge seg flat. Det er visstnok populært for tida.....
Revy-veteranen legg også til at det blir mykje fin song og musikk.
Det blir sjølvsagt to forestillingar; tysdag 31.mars og onsdag 1.april.
Info om billettsalg og prisar finn du her.
Ta med latterkrampa og kom du også!
