Skuter og stemmer på museet
Flotte skuter og opptak av gamle sjøfolk krydrar søndagens tema på Bøfjorden Sjøbruksmuseum.
Sentralt står slofarten - skutetrafikken med fisk frå Lofoten til kleppfiskberga på Nordmøre. På historiske opptak fortel bl.a. skipper Kristian Aarnes (1876-1964) og dekksmann Peder Sjøflot (1887-1983) om liv og hendingar på jakter som «Brødrene» og «Embla».
Også sandfraktefarten på Nordmøre er med - i bilete og historikk. Der var for eksempel lasteutviklinga frå spade og trillebår via kaffesekker (!) til moderne grabb i seg sjøl eit eventyr.
Muntre og ramsalte anekdoter og artige utnamn på båtar livar opp det historiske biletkåseriet som Bernt Bøe framfører - altså med god hjelp av bilete og ekte stemmer frå arkivet.
Og som vanleg er det kaffe å få på museet.