Påske med musikk
Vårlege tonar og kyrkjemusikk blir å høre også denne påska. KKKK-festivalen byr på konsertar med kvartetten Nyresa i Hov og Stangvik kyrkjer onsdag 17. april og i Tingvoll og Nordlandet skjærtorsdag. I Åsskard kyrkje står kor, liturg og musikarar for klassisk Påskesongmesse langfredag kveld.
«Nyresa» består av Åshild Breie Nyhus (fele og nyckelharpa), søstera Ingfrid Breie Nyhus (tasteinstrument), Anders Rensvik (bratsj) og Kjetil Sandum (bass). Dei framfører mest norsk og svensk folkemusikk, men har også Vivaldi og Bach på programmet.
Påskesongmessa i Åsskard er ei tekstleg-musikalsk vandring gjennom den kyrkjelege høgtida. Koret Prosjekt 17, solist Turid Røen Kroknes, organist Tor Strand og fiolinistane Synnøve Hammervold og Odd Sonntag flettar inn påskemusikk av bl.a. Handel, Vivaldi, Bach og Mozart. Liturg er sokneprest Kristin Strand.
