Ny sesong på sjøbruksmuseet

Både skulehistorie og ikkje minst skulehistorier vil prege dagens tema. Bernt Bøe sitt biletkåseri viser korleis skulen vaks fram i mange bygder på Nordmøre etter at ideen om folkeskule så å sei vart unnfanga av lokale prestar i 1714.

Anekdoter frå skulestua krydrar historikken. Og innsatsen for å bygge og bevare skulehusa i bygdene blir framheva – også i politiske saker frå nyare tid. 100-årsjubileet for gamle «Bølandets Folkeskole», no grendahuset Kveldheim, blir også fletta inn i programmet.

Museet serverer sodd til middag. Kaffe og tilbehør er alltid å få kjøpt. Også lokal litteratur, delvis ny av året, er å finne i hyllene.

Ikkje minst set folk pris på det sosiale samveret på Bøfjorden Sjøbruksmuseum, som har samling kvar søndag til slutten av september.