Kyrkjestua tysdag: Juleverksted i Åsskard
Før jul og påske kvart år inviterer kyrkja i Åsskard til hobbyaktivitet. Tysdag kveld samlast ungar - og gjerne vaksne - til «Juleverksted».
![Juleverksted A Eva Randi (1)[1]](/getfile.php/5465286.2107.klqmtmssnujjkl/1024x768/6733643_5465286.jpg)
Her skal det lagast fargerik julepynt, kort og dekorasjonar av ymse slag.
Instruktørane Randi Bøe og Eva Jorid Svendsen har i vekesvis pønska ut artige idear og kjøpt inn materialar som flittige hender kan ta tak i. Sjøl har dei laga eksempel og halv-fabrikata som kjem til nytte.
- Slike kveldar har vist seg å inspirere små og store. Vi har alltid hatt god oppslutning. Det ser ut til at alle kosar seg på «verkstedet» i den trivelege Kyrkjestua vår! seier Randi.
Soknerådsleiar Eva føyer til: - Vi håpar stua blir fylt av liv og lyst og at det blir laga mange flotte jule-ting denne tysdagskvelden!
Ho lovar også at det blir skikkeleg kveldsmat som avslutning på aktivitetskvelden.
.........
Innsendar Åsskard sokneråd ved Bernt Bøe ....
_3.jpg)
