Kulturskatt å ause av: Songkveld i Åsskard

Saman med koret Prosjekt 17 deltek solistane Gunhild Marie Täringskog og Turid Røen Kroknes forutan koret Heimklang frå nabokommunen. Bodil Kvam Aasbø og Bernt Bøe gir tonefølgje. 

- Dette er det første av ei rekkje kulturarrangement i jubileumsåret, seier arrangøren. 

- Songen som kulturskatt har prega kyrkjelivet i desse 150 åra, ein skatt vi no auser av. Gode tekster og tonar blir å høre - og ikkje minst delta i - denne kvelden!

Programmet spenner frå gospel til klassisk, frå Cat Stevens til Mendelssohn. Salmeboka er hovudkjelde. 

Historiene bak kjende tekster kan gi aha-opplevingar. Eksempel: Kva har «Alltid freidig» med eventyret «Tornerose» å gjera? Og kva vil misjonær Anna Sæther presentere som yndlingssalmen sin?

Den påbegynte fasta er kulturtid. Så etter karneval, «blåmåndag» og «feittysdag» blir oskeonsdagen feira i syngande fellesskap i Åsskard kyrkje. 

Uansett faste: Det blir servert kyrkjekaffe med noko å bite i etter songprogrammet!

… For Åsskard sokneråd: Bernt Bøe …