Kulturgåve til historielaget

Sigurd Solem (98) er trufast støttespelar til historielaget i heimbygda Bøfjorden. På museumsdagar og elles har han aust av sin store kunnskap – særleg om tider som var. No skjenkjer han og familien nok ei kulturgåve til laget og museet.

Kulturgåve a Sveivegrammofon frå Solemmo[2]
Bøfjorden Historielag har fått denne unike sveivegrammofonen i gåve frå Sigurd Solem og familien på Solemmo.
Kulturgåve e Odeon Olsens Hjemkomst
Marie Skrøvset sveiva også i gang verbal underhaldning – som når Joachim Holst Jensen las «Konen med Æggene» og «Olsens Hjemkomst» på denne Odeon-plata.
Kulturgåve d HMV Br Sundkvist[1]
Kulturgåve c Sigurd Solem
Sigurd Solem – trufast gjest og kunnskapsrik bidragsytar på Bøfjorden Sjøbruksmuseum i mange år.
Kulturgåve b Asbjørn Solem med gåva
Asbjørn Solem med klenodiet.


Sveivegrammofonen frå tidleg 1900-tal høyrde først til Sigurd si svigermor, Marie Skrøvset. Barnebarnet Asbjørn Solem fortel at ho starta som postopnar i Bøfjorden i 1903. - Kanskje brukte ho ei av sine første lønningar til å skaffe seg dette moderne vidunderet? seier han. Faren Sigurd vart eigar av grammofonen i 1941 – da han kjøpte den av si komande svigermor.   

Grammofonen har eit unikt innbygd høgttalarsystem. Lyden kjem fram når ein opnar luker i kassen – altså ulikt den klassiske «grammofon-tuten». Fabrikatet ikkje sjekka enno.

Tre historiske shellac-plater (såkalla «steinkaker») er også del av gåva. To med trekkspelmusikk er utgjevnde på «Concert Records Gramophone», seinare kjent som HMV (His Master’s Voice) - med biletet av hunden som hører stemmen til eigaren sin gjennom tuten. Ei plate - av merket «Odeon» - inneheld verbal opplesing ved den kjende skuespelaren Joachim Holst Jensen.

Bøfjorden Historielag er takknemleg for denne kulturhistoriske gåva og lovar å ta vel vare på klenodiet!

Les også:

13.05.20 av Redaktør

VI SPONSER BØFJORDNETT