Helgemesse – ein lysets dag
Helgemesse - Allehelgensdag - har vorte ein god tradisjon. Mange gjesta kyrkjene våre søndag.
Marte og Leon tente minnelysa i Stangvik. Torbjørn Brøske las dei ni namna. (Foto Konfirmant Marius)
Minnelysa pregar allehelgensgudstenestene. Her i Stangvik kyrkje. (Foto Konfirmant Marius)
Åsskard: Konfirmantar, kor og prest i prosesjon. John Stinus ber korset. (Foto Randi Bøe)
Humor også på ein helgemessedag: Tora og Aleks var ringarar i Stangvik. Og da Aleks fekk fart på den tunge storklokka (med malm frå 1400-talet), vart han like godt med tauet opp i lufta! I bakgrunnen ser vi prospektet av gammelorgelet frå 1910. (Foto Elin Mo)
Kyrkjehistorisk er fleire tradisjonar knytte saman i vår helgemessefeiring. Tenning av minnelys har vorte eit sentralt innslag. Når naboar og venner deltek, er det eit varmt handtrykk til den som har sakn å bera. Slik markerer dagen håp og tru ut over det jordiske.
Samtidig er den open for alle og er meint å samle heile kyrkjelyden i fellesskap. Mange opplever glede over det lyset som ordet, songen og prestane formidla. Slik er dette både minnedag og tid for lovsong. Vi gjengir her inntrykk frå nokre av kyrkjene i Surnadal.
Ein toneskatt
Torbjørn Brøske gjorde presteteneste i Todalen, Stangvik og Mo kyrkje. I pakt med eldgammal tradisjon song han dagens evangelium – «Sæleprisingane» – med musikk frå Hovlands «Allehelgensmesse».
I Ranes var Vidar Rygh solist i vekselsongane «Bare i håp til Gud». Han gjorde også teneste i Åsskard. Begge prestane formidla Bibelens ord om trøyst og håp. Korgrupper gav løft til gripande salmar – delvis med klangsatsar attåt melodiar som «O bli hos meg».
Konfirmantane i kyrkja si
Særleg inntykk gjorde konfirmantane, kyrkja si unge framtid. Dei ringte med klokkene, delte ut program, ordna salmetavlene, danna stilfull prosesjon, tente lys og hjelpte staben på alle vis. Å delta slik i gripande høgtid gir sikkert gode opplevingar å ta med på livsvegen.
Høgtidssamlingar som dette styrkjer kyrkja sin plass i folket. Og viss ein fekk fram at helgemesse både er minnedag og ein lysets dag for alle, ville kanskje enno fleire ha møtt fram?
........ Bernt G. Bøe ..........
Samtidig er den open for alle og er meint å samle heile kyrkjelyden i fellesskap. Mange opplever glede over det lyset som ordet, songen og prestane formidla. Slik er dette både minnedag og tid for lovsong. Vi gjengir her inntrykk frå nokre av kyrkjene i Surnadal.
Ein toneskatt
Torbjørn Brøske gjorde presteteneste i Todalen, Stangvik og Mo kyrkje. I pakt med eldgammal tradisjon song han dagens evangelium – «Sæleprisingane» – med musikk frå Hovlands «Allehelgensmesse».
I Ranes var Vidar Rygh solist i vekselsongane «Bare i håp til Gud». Han gjorde også teneste i Åsskard. Begge prestane formidla Bibelens ord om trøyst og håp. Korgrupper gav løft til gripande salmar – delvis med klangsatsar attåt melodiar som «O bli hos meg».
Konfirmantane i kyrkja si
Særleg inntykk gjorde konfirmantane, kyrkja si unge framtid. Dei ringte med klokkene, delte ut program, ordna salmetavlene, danna stilfull prosesjon, tente lys og hjelpte staben på alle vis. Å delta slik i gripande høgtid gir sikkert gode opplevingar å ta med på livsvegen.
Høgtidssamlingar som dette styrkjer kyrkja sin plass i folket. Og viss ein fekk fram at helgemesse både er minnedag og ein lysets dag for alle, ville kanskje enno fleire ha møtt fram?
........ Bernt G. Bøe ..........
_3.jpg)
