Haustfest i kyrkja

Den gamle høgtida Mikkjelsmess lever vidare i kyrkja si hausttakkefest. I Åsskard vil markens grøde og bokutdeling til dei yngste prege søndagens gudsteneste.

Haustfest A[1]
Åsskard Bygdekvinnelag (her) inviterer til hausttakkefest saman med soknerådet. Biletet frå i fjor viser frå venstre Johanne Holten, Gunda Bele, Gunhild Bøklep Bøe, Kari Sæther, Randi Bøe, Inger Lise Heggem, Torbjørg Settem og Allis Bæverfjord.
Haustfest B
4-åringane får «Mi kyrkjebok» - med songar og forteljingar. Under ser vi litt frå aktivitetsboka som følgjer med.
Haustfest C
Blant ulike barnebiblar har ein i Åsskard satsa på Teikneseriebibelen som gåve til 5-klassingane. Her er det både spennande og vakre forteljingar – i eit format som dei unge kjenner.
2025 10 05 Plakat Åsskard


Åsskard Bygdekvinnelag ordnar som vanleg med haustpynt, frukt og grønt. Sokneprest Pål Arne Winsnes og hans stab leier messa - etter ordninga «Gudsteneste for små og store».

4-årsbok og bibel
Mange born møter denne gong. Som ledd i soknet si opplæring vil 4-åringane bli tildelt «Mi Kyrkjebok», samtidig som 5-klassingane får «Teikneseriebibelen» i gåve.

Innhald frå desse bøkene pregar både song og tekst i årets hausttakkefest.

Etter messa er det samver med kaffe, saft og noko attåt i Kyrkjestua.

Gudstenesta i Åsskard blir streama på kyrkja sitt TV-nett.

Takk for det gode
Mikkjelsmess 29. september er gammel minnedag for engelen Mikael, som symboliser kampen mot det vonde og for det gode.

Hausttakkefesten tek utgangspunkt i denne tradisjonen - med takk for årets avling og for livets gåver. Dette pregar gudstenester landet rundt på denne tida av året.


…. Tekst og foto: Bernt Bøe for Åsskard sokneråd ...
 

Les også:

03.10.25 av Redaktør

VI SPONSER BØFJORDNETT