Grendamøte i Bøfjorden
Bøfjorden grendalag arrangerer åpent møte om kommunereforma i Bøfjorden grendahus torsdag 6.oktober kl 19.30.
Ordførarane i Halsa og Surnadal er inviterte til grendamøte i Bøfjorden. (Foto: Trollheimsporten)
Utgangspunktet for møtet er stoda i prosessen så langt; fylkesmannen si ferske tilråding til struktur (frå måndag samme veke) og det lokale arbeidet i samband med reformen i kommunane Surnadal og Halsa den siste tida.
Bøfjorden ligg midt på Nordmøre, og mange ulike forslag til framtidig inndeling av regionen vår ligg føre. Uansett utfall vil vi alle bli berørte av endringar kommunereformen vil føre med seg. "Kvar står vi - og kvar går vi?" er spørsmål grendalaget håpar møtet vil gi fleire svar på.
Fylkesmannen si rykande ferske innstilling til ny kommunestruktur vil bli presentert, og ordførarane Ola Rognskog (Halsa) og Lilly Gunn Nyheim (Surnadal) vil greie ut om situasjonen frå kvar sin ståstad. Publikum vil sjølvsagt få høve til å stille spørsmål.
Grendalaget håpar på godt oppmøte og oppfordrar publikum til både å stille spørsmål og komme med innspel til debatten.
Pressa er sjølvsagt også hjerteleg velkomne!
