Friluftsmesse i Bøfjorden
Søndagens gudsteneste i Åsskard blir halden i friluft ved Bøkleppnausta. Prest er Torbjørn Brøske.
Den vakre gamle husmannsplassen ved fjorden har vorte ein populær arena for både utflukt og årlege gudstenester. Fjord og høg himmel gir stunda ein eigen dimensjon. Det er enkel tilkomst med veg ned frå husa i Bøkleppen.
Messa startar ein time seinare enn vanleg gudstenestetid. Skulle veret bli dårleg, flyttar ein til bedehuset Betania i Bøfjorden.
Etter gudstenesta kan ein ta kaffen på Bøfjorden Sjøbruksmuseum, der Tor Erik Jenstad og fleire serverer frisk musikk og dialektord.
