Fasteaksjonen: Innsats gir resultat

Nødhjelp blir dessverre aldri avleggs. Denne våren kom nytt akutt behov Midt-Austen. Kirkens Nødhjelp yter livshjelp både der og i andre utsette område. 

Dette i tillegg til organisasjonens langsiktige engasjement for å skaffe varig vassforsyning i tørkeramma område. Her står rundt 800 millionar menneske på ventelista! 

Sjøl om ein aksjonsdag i året berre blir dropen i havet, skaper gjevarar og innsamlarar betydelege resultat: For anslagsvis 30.000 innsamla kroner kan Kirkens Nødhjelp skaffe varig vatn til hundre menneske i utsette område.

Når KN no har summert resultatet etter årets aksjon, er det interessant som eksempel å vise kva som vart gjeve i ein av våre kommunar der kyrkja arrangerte innsamling. Dei fem sokna i Surnadal bidrog med desse tala:

Åsskard             33.656 kr  

Øye og Ranes   30.973 kr

Todalen             22.470 kr

Stangvik             9.328 kr

Mo                         8.927 kr

Det samla resultatet på 105.354 kr er noko mindre enn fjorårets. Likevel kan Kirkens Nødhjelp med desse midlane skaffe varig reint vatn til ein landsby med 350 innbyggjarar. Eller yte naudhjelp, mat og medisinar til mange der akutt behov oppstår.

Konfirmantar, vaksne og andre frivillige – men først og fremst gjevarane i hus og heim – har også med fasteaksjonen  2026 gjort ein innsats som gir resultat!

... Bernt G. Bøe, KN-kontakt i Åsskard ...