Dugnad ved kyrkjene: Pyntar til vårfest

Mai er kyrkjeleg festsesong. No har eigarane raka og rydda uteområda til konfirmasjon og nasjonaldag.

Pyntar A[1]
- Det var siste trilla, smiler Eva Jorid Svendsen (frå venstre), Anne Hjørdis Telstad, Kari Aarnes, Nina Hakstad (med dagens yngste, dottera Solveig, i vogna), Randi Bøe og Gunnar Bele.
Pyntar B Astrid NW
Astrid Narvestad Wærdahl er biletkunstnar og har sans for det vakre også her på Gammelkyrkjegarden.
Pyntar C Lars Bjørn
Mest lauv var å finne ved utgarden attmed Åsskardbua. Men Lars Jostein Bævre (t.v.), Bjørn Rønning (t.h.) og Ingrid Bøklepp og Inger Bøe (i bakgrunnen) shina opp her også!
Pyntar D Kaffe
Ein vel fortent kaffesup etter dugnaden. Frå venstre Astrid, Inger, Randi, Kari, Kjellaug (Sollid), Eva, Ingrid, Svanhild, Gunnar og Bjørn.


Vi var innom vårdugnaden på Åsskard. Sjøl om oppmøtet (vel 20 denne måndagen) kunne vore betre, gjekk arbeidet med liv og lyst. 

Snørtar opp

Etter eit par timar var kvistar og lauv borte både attmed kyrkja, på feltet mot Belaelva og på det «nye» Gammelgravstedet mellom Bua og Trøa.

Så no kan festkledde familiar og 17. maifolk finne seg godt til rette ved den 150 år gamle kyrkja på «Aasgaardsøren», som det heiter i gamle papir.

Sosialt på alle vis

Dugnad er kreativ og hyggeleg samhandling. Gode samtalar fyller arbeidsøkta. Og når så Kari og Eva serverer kaffe, kaker og rundstykke, summar det livleg rundt borda, der det handlar om ulike tema.

Eksempelvis om behovet for spyling av kyrkjeveggen som trafikken på øversida har skitna til. Om eit uventa innslag på konfirmantleiren. Om skiproduksjon og historiske brev i Trøa. Eller om første dåpsbarnet, og mora som «inngangskone», her i den nye Åsskard-kyrkja ein novembersøndag i 1876.

Eigarskap til kyrkja

Også ved dei fleste andre kyrkjene i distriktet har det vore gjort godt dugnadsarbeid dei siste dagane. 

Alt tyder på at bygdefolk kjenner eigarskap til kyrkja si og steller godt med både bygningar og uteområde.

 

… Tekst og foto: Bernt Bøe …

Les også:

12.05.26 av Redaktør

VI SPONSER BØFJORDNETT