Bunadkunst på museet
Farstadvesten og nordmørsbunaden er tema på museet i Bøfjorden søndag. Vevkunstnar og musikar Ole Kristian Gundersen har også med seg fela.
Ved sida av yrket som sjukepleiar har freiøyingen oppretta firmaet «Gundersen Bunad og Vev». Her gjenskaper han – med handveving - blant anna den flotte «Farstad-vesten», som Inga Farstad frå Straumsneset utvikla til topp kunsthandverk for 70-80 år sia. Og det med same utstyret som Inga Farstad sjøl sette opp saman med Lisbet Børset frå Ålvundeidet i si tid.
Vakre, både gamle og nyare bunader blir å sjå – noko som sikkert vil falle i smak hos publikum. (Som gjerne må ta med seg bunadplagg til ei mini-utstilling!)
Ole Kristian er også fiolinist og tek med fela til museumsdagen. Så det blir både bunadkunst og tonekunst å oppleva i det historiske miljøet på Bøfjorden Sjøbruksmuseum.
