Åsskard sokneråd inviterer: Hygge og hobby i Kyrkjestua
Kyrkjestua i Åsskard er eit fint rom til samver av mange slag. Torsdag inviterer soknerådet til hyggekveld og hobbyaktivitet.
![Hyggekveld a Eva[1]](/getfile.php/5406558.2107.niwjuswlaikwkn/1024x768/6711506_5406558.jpg)
Som ofte før inviterer soknerådsleiar Eva til treff og servering. Foto Bernt Bøe
Instruktør Gerd Anny Gjengstø – her på juleverkstedet med dei yngste i haust. Foto Bernt Bøe
- Ta med deg strikketyet og anna handarbeid, eller berre kom! seier soknerådsleiar Eva Jorid Svendsen. Som alltid ivrar ho for aktiv bruk av kyrkja si.
Denne gong har soknerådet invitert kort-kunstnaren Gerd Anny Gjengstø. Ho kjem med utstyr og idear til korleis ein lagar eigne, personlege kort.
- Med Gerd Anny som instruktør og inspirator kan du forme dine eigne kort for bursdag, dåp og bryllaup eller som dekorasjon til jul og påske, seier Eva Jorid.
Hygge- og hobbykvelden i Kyrkjestua startar i halvsju-tida og blir avslutta med god kveldsmat i godt lag.
_3.jpg)
