Årsfest i Åsskard
I Åsskard blir Maria Bodskapsdag feira med gudsteneste, årsfest og middag for alle. Vikarprest Akerø og soknerådet ser fram til ein hyggeleg søndag.
![Årsfest a Svendsen Eva Jorid (6)[1]](/getfile.php/5279902.2107.uibjmwwuk77bnk/1024x768/6655511_5279902.jpg)
Soknerådsleiar Eva Jorid Svendsen håpar mange vil feire Maria-dagen i Åsskard kyrkje - med gudsteneste, middag og triveleg årsfest. (Foto Bernt Bøe)
Søndagens prest Hans Arne Akerø er også musikar og forfattar. Han har komponert musikken til ein av søndagens salmar. (Foto: Bernt Bøe)
Som ved tidlegare høve er Hans Arne Akerø vikar i Surnadal. Han er også diktar og komponist, og hans tonesetting av ein bibelsk Maria-salme blir sungen i gudstenesta. Det er nattverd, og dagens takkoffer gårtil Kirkens Nødhjelp.
Under samlinga i Kyrkjestua etter messa serverer soknerådet middag og kaffe. Årsmelding og rekneskap for 2023 blir framlagt - illustrert av lysbilete frå fjorårets mange aktiviteter i soknet.
Ordet er fritt til innspel og samtalar om livet i den lokale kyrkja.
….. Bernt G. Bøe ......
_3.jpg)
